Har bir ota-ona chaqalog‘ini xiqichoq tutganini ko‘rganida biroz xavotirga tushadi. Aslida esa bu ko‘p hollarda tabiiy holat hisoblanadi.
Pediatrlar ta’kidlashicha, xiqichoq — bu diafragma (nafas olishga yordam beruvchi mushak)ning tez-tez qisqarishi natijasida yuzaga keladi.
Chaqaloqlarda xiqichoqning asosiy sabablari:
- Ona suti yoki qo‘shimcha ovqatni tez ichishi, havo yutishi;
- Sovuqda qolib ketishi yoki tanasi tez sovishi;
- Asab tizimining hali to‘liq shakllanmagani;
- Ko‘proq hissiy holatlar (ko‘p kulish, yig‘lash) ham sabab bo‘lishi mumkin.
- Odatda xiqichoq 10–15 daqiqa ichida o‘tib ketadi va bolaga jiddiy ziyon yetkazmaydi.
Qachon shifokorga murojaat qilish kerak?
- Har ovqatlangandan keyin takrorlansa;
- Bolada nafas olish qiyinlashsa yoki ko‘karish kuzatilsa.
Mutaxassislar aytadi: ko‘pchilik hollarda chaqaloqning xiqichog‘i xavfli emas. Lekin ortiqcha bezovta qilsa, shifokor maslahati eng to‘g‘ri yo‘l hisoblanadi.
“Zamin”ni Telegramʻda oʻqing!
