KAFTINGDAN KO‘RAYMI Yo?..
Tolmasov bir kuni o‘zini juda yomon his qila boshladi. O‘ylab ham o‘tirmay do‘xtirga bordi.
— Qani, chap kaftingizni ko‘rsating-chi! — dedi vrach.
Tolmasov ko‘rsatdi.
— Obbo, — bosh chayqadi vrach, — Hayot chizig‘ingiz o‘ttiz yoshingizda tugarkan.
— Nima? — qo‘rqib ketdi Tolmasov. — Endi nima qilaman, do‘xtir?
— Hechqisi yo‘q. Biz hozir buni to‘g‘rilaymiz.
Vrach qo‘liga qizil qalam oldi-da, kaftdagi chiziqni uzaytirib qo‘ydi.
— Rahmat! — dedi Tolmasov sal o‘ziga kelib. — Endi… Haq masalasi… Qancha bo‘ladi, do‘xtir?
Vrach uning kaftiga bir nazar tashlab olgach, so‘radi:
— Oyiga qancha moyana olasiz?
Tolmasov qizarib-bo‘zarib qancha olishini aytdi.
— Shunaqami? — vrach qovog‘ini uyib sekin joyiga o‘tirdi.
— Do‘xtir, mendayam qolib ketmaydi. Qarzdorman oldingizda. Iltimos, bir ilojini qiling!
— Yaxshi. Qo‘lingizni bering!
Tolmasov unga qo‘lini uzatdi. Vrach qalam bilan chiziqni yanayam uzaytirib qo‘ydi.
— Qarang-a, mana buni qobiliyat desa bo‘ladi, — xursand bo‘lib narigi qo‘lini uzatdi Tolmasov. — Bunisiniyam ko‘ring-chi!..
— Bu kaftingizda umuman chiziq yo‘q.
— Ie, endi nima bo‘ladi?
— Bilmasam.
— Do‘xtir, bir narsa qiling!.. Qarzdorman…
— Bo‘pti, men sizni yo jahldor, yo mehribon odamga aylantirishim mumkin.
— Yaxshisi, mehribonga aylantiring!
Vrach Tolmasovning bu qo‘liga ham chizib qo‘ydi.
— Mana, bo‘ldi.
— Do‘xtir, ayollar… Masalasida qanday bo‘larkanman?
— Uylanganmisiz?
— Ha.
— Unda… Shundayligingizcha qolasiz.
— Boshqacharoq yo‘li yo‘qmikan-a?..
— Yo‘q, yo‘q. Boshimni qotirmang!
— O‘lay agar, uch martalab qarzdorman oldingizda. Bir ilojini qili-ing!
— Bo‘pti, faqat ilmiy tomondan…
Vrach uning kaftiga ikkinchi chiziqni o‘rnatdi.
— Bo‘ldimi?
— Bo‘ldi.
— Do‘xtir, sizga to‘rt marotaba qarzdor bo‘layli-ik!
— Uf-f, jonga tegdingiz-ku! Yana nima istaysiz?
— Xotinimning ikkala kaftidagi chiziqlarni o‘chirib beri-ing!
Manba: Hordiq.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Dubay hukmdorining eng go‘zal qizi qanday hayot kechiradi?
Rossiya Ukrainaning harbiy dron yig‘uv inshootlarini yo‘q qildi
«Krokus»dagi hujum bo‘yicha sakkizinchi ayblanuvchining ismi oshkor qilindi
Rossiya qo‘shinlari Avdeyevkadagi ikkita qishloqni egallab oldi
AQSH politsiyachilarining «aqlli qarori» Legoga ma’qul kelmadi
Rossiya G‘azoga 29 tonnadan ortiq insonparvarlik yordami jo‘natdi
Erdo‘g‘on terrorchilar haqida keskin gapirdi
AQSH rasmiylari: Millionlab amerikaliklar xitoylik hakerlar hujumiga uchragan