Ayollarga foydali maslahat:
— Hurmatli ayollar, savolni «Nega mening erim eshak ekan-a?», deb emas, «Nega anavi eshak mening erim ekan-a?» deb berish lozim!
* * *
Vrach bemor ayolga dedi:
— Toza havoda ko‘proq yuring, issiq kiyinishni unutmang!
Ayol uyiga kelib eriga dedi:
— Do‘xtir menga dengizda dam olishni va faqat norkali shubada ko‘chaga chiqishni maslahat berdi.
* * *
20 yoshli yigit serqatnov yo‘ldan 80 yoshli kampirni yetaklab narigi tomonga o‘tkazib qo‘ydi. Xursand bo‘lib ketgan kampir so‘radi:
— Ajoyib yigit ekansan! Umring uzoq bo‘lsin! Aytgancha, uylanganmisan?
— Yo‘q.
— Uylanma, hozirgi qizlar yaramas bo‘lib ketishgan!
* * *
Qiz yigitga dedi:
— Keling, bugun tunda boshimizdan o‘tgan hamma ishlarni unutamiz!
— O‘v, sen tunda shunaqangi xurrak otdingki, umrimning oxirigachayam unuta olmasam kerak!
* * *
— O‘t o‘chiruvchilar jamoasining jasur askari yonayotgan bank ichkarisidan hayotini xavf ostiga qo‘yib bo‘lsa-da, bir million dollar pul joylangan qopni tashqariga olib chiqdi. Hozir o‘sha jasur askar qayerdaligini xudoning o‘zi biladi. (gazetadagi e’londan)
* * *
Xotin eriga tanbeh beryapti:
— Jonimga tegib ketdi hammasi! Qachon qarasa, ovqat yeganingiz yegan. Nuqul ovqat, ovqat! Shundan boshqa narsa haqidayam o‘ylaysizmi o‘zi?
Er bir lahza o‘ylanib turdi-da, bor ovozda qichqirdi:
— Yaxshiyam esimga solding! Nos olishni unutibman-ku-u-u!!!
* * *
Tibbiy ko‘rikdan so‘ng bemor vrachdan so‘radi:
— Xo‘sh, do‘xtir, men yasharmikanman?
— Yasharkansiz. Ammo shaxsan men maslahat bermasdim.
* * *
Kampir bozorda olma sotyapti.
— Kep qoling, hozirgina Chernobildan olib kelingan olmalarga kep qoling!
O‘tkinchi erkak dedi:
— Momo, Chernobildan kelgan desangiz, olmangizni hech kim olmaydi.
— Oladi.
— Kim oladi?
— Kimdir boshlig‘iga, kimdir qaynonasiga… Ishqilib, xaridori ko‘p bu olmalarning!
* * *
Vrach 90 yashar kampirni tekshiruvdan o‘tkazib bo‘lgach, so‘radi:
— Onaxon, sizni obdon tekshirdim. Salomatligingiz juda yaxshi ekan.
— Adashyapsan, bolam. Men kasalman.
— Xo‘p, nimadan shikoyatingiz bor?
— Nafasim siqadi.
— Qachon nafasingiz siqadi?
— Men kelguncha yurib ketib qolgan avtobus ortidan yugurganimda.
Olimjon HAYIT tayyorladi
Manba: Hordiq.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina Kursk oblastida egallab olgan hududlarining 40 foizdan ortig‘ini yo‘qotdi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
BAAda isroillik ravvin o‘ldirib ketildi
Superligani qaysi klub tark etadi? Kumush medal kimga nasib qiladi?
O‘zbekistonda tadbirkorlar uchun ayrim ma’muriy javobgarliklar bekor qilinadi
Xitoylik hakerlar AQSHdagi 150 nafar siyosatchi ortidan josuslik qilgan bo‘lishi mumkin
Germaniyalik fermerning sigiri to‘rtta buzoq tug‘di
Rossiya Buyuk Britaniya diplomatiga qarshi keskin chora qo‘lladi
