Shaharlarning birida ajabtovur do‘kon ochildi. Undan ayollar o‘ziga yoqqan erni tanlashi va sotib olishi mumkin edi. Do‘konga kiraverishda quyidagi bildiruv ilingandi:
1. Bu yerga faqat bir marta kirishingiz mumkin!
2. Do‘kon 6 qavatdan iborat. Erkaklarning sifat ko‘rsatkichi qavatlarosha ortib boradi.
3. Siz har qanday erkakni binoning istalgan qavatidan tanlab olishingiz yoki yuqoriga ko‘tarilishingiz mumkin.
4. Pastki qavatga qayta tushish taqiqlanadi!
Bir ayol o‘ziga munosib umr yo‘ldoshi topish ilinjida mazkur do‘konga kirdi. Birinchi qavatdagi: “Ishlaydigan erkaklar” yozuvini o‘qigach, darhol ikkinchisiga ko‘tarildi.
Ikkinchi qavatda quyidagi yozuv bor edi: “Ishlaydigan va bolalarni yoqtiradigan erkaklar”. Ayol uchinchi qavatga yo‘l oldi.
Uchinchisida ushbu so‘zlar yozilgandi: “Ishlaydigan, bolalarni yoqtiradigan va o‘zgacha chiroyli erkaklar”. Ayol “O‘hho‘, zo‘rku!” dedi-yu, ammo baribir to‘rtinchi qavatga ko‘tarilgisi keldi.
To‘rtinchi qavatdagi bildiruv biroz uzun edi: “Ishlaydigan, bolalarni yoqtiradigan, ko‘zni qamashtiradigan darajada ko‘rkam va uy yumushlariga yordamlashadigan erkaklar”. Ayol beixtiyor xitob qilib yubordi: “Yo‘q, aql bovar qilmaydi! Nahotki shunday bo‘lsa?! Bundan ortig‘i menga kerakmas!” Lekin, shunday bo‘lsa-da, navbatdagi qavatga chiqish istagi ustun keldi.
Beshinchi qavatdagi e’lon aqlni shoshirardi: “Ishlaydigan, bolalarni yoqtiradigan, ko‘zni qamashtiradigan darajada ko‘rkam, uy yumushlariga qarashadigan va romantik erkaklar”. Ayolning bu qavatda juda-juda qolgisi va o‘ziga juft tanlagisi keldi. Biroq ko‘ngil istagiga quloq tutmay, so‘nggi qavatga chiqishga jazm qildi.
Oltinchi qavatda u quyidagi yozuvga ko‘zi tushdi: “Siz bu qavatga tashrif buyurgan 31 456 012-chi xaridorsiz. Bu yerda erkaklar yo‘q. Ayollarning injiqliklarini chek-chegarasi yo‘qligini yana bir isbotlash uchun mazkur qavat barpo qilingan, xolos. Do‘konimizga kelganingiz uchun minnatdorlik izhor etamiz!”.
H. Tohirov tayyorladi.
Manba: Fayzbog.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Eron Afg‘oniston bilan chegarasida beton devor qurishni boshladi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Toshkent viloyatida ikki yigit taksi haydovchisining joniga qasd qilmoqchi bo‘ldi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
