Xarid qilgan narsalarimga pul to‘lab, do‘kondan chiqqach, qizchamning qo‘lidagi shirinlikning haqini to‘lamaganim yodimga tushdi. Darhol orqaga qaytdim. Xayolimdan: “Agar hozir pulini bermasam, Alloh menga bir necha barobar qilib to‘lattiradi”, degan fikr o‘tdi. Keyin bilsam, o‘shanda bu yaxshilikdan keladigan savobni emas, qo‘limdan ketadigan pul haqida ko‘proq o‘ylagan ekanman…
…Bugun qayoqqa qaramang, biror sokin odamni uchratmaysiz. Hamma shoshadi, yeladi, yuguradi. Miyasida bir fikr: “Pul topish kerak!!!”
“Yana uch kun o‘tsa, maosh olaman…”; “Ishni ikki kunda bitirsam, puli qo‘limga tegadi”; “Pul tushganida yaxshi bir oshxonada ovqatlanaman”; “Seshanbada oylik bo‘lar ekan, bozorga tushaman”; “Bolajonim, qo‘limga pul tushsin, aytganingni olib beraman”; “Oyi, pul topay, qancha desangiz, beraman…”
Pul hayot mazmuniga aylangan go‘yo. Umrimiz soatlari pul keladigan vaqt bilan qadrli. Pulimiz bo‘lmasa, hech narsamiz yo‘qdek… Rizq desa, birinchi xayolimizga keladigan narsa – pul, uning ko‘pligi rizqimizga kirgan barakaning ifodasi…
Kimgadir mehr ko‘rsatish, otalik, onalik, akalik, opalik, ukalik, erlik qilish uchun ham PUL kerak… Qancha ko‘p bo‘lsa, shuncha yaxshi… Bu o‘y bizni shunchalik chirmab olganki, pul topish uchun har qancha mashaqqatga, vaqti kelsa, ibodatdan, itoatdan qolishga ham… tayyormiz. Lekin o‘sha qiynalib topayotganlarimizning sarfi qanday, hech qursa bu borada biror yaxshilik qidiryapmizmi?..
Dinimizda har narsaning yechimi, tadbiri bor. Farz, sunnat, vojib, mustahab, makruh kabi amallarda mo‘minning manfaati ko‘zlangan. Masalan, mol nisobga yetsa, zakot beriladi. Bu bilan boy kishining topganlari muhtojlarga ulush chiqarish bilan poklanadi hamda ehtiyoj qonadi. Yoki hosildan ushr berish ham shunday. Sadaqa berish bilan joning va moling omonda. Bu kabi xayrli “chiqim”lar beruvchiga ham, oluvchiga ham foyda.
Bu tomondan qarasang, pul yomon narsa emas, undan nafratlanishga ham hojat yo‘q. Aksincha, halol yo‘ldan topib, yaxshilik yo‘lida sarf qilish bilan savoblarga noil bo‘lamiz. Faqat, pulni gunohu xatolar vositasiga aylantirmasak va albatta, uning joyini unutmasak, kifoya. Bir ustozimiz aytganidek, pulning joyi cho‘ntakda, aslo qalbda emas.
Manba: mulohaza.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
SSKA ustozi Fedotov Abbos Fayzullayevning jamoaga qaytgani haqida nima dedi?
Tbilisidagi namoyishlar: politsiya qalampir gazidan foydalandi
Kuleba Rossiya qachon muzokaralarda ishtirok etishi mumkinligi haqida gapirdi
Navoiyda avtomashinasiga sirena o‘rnatib harakatlangan haydovchiga chora ko‘rildi
Belarusdagi "Miori" va "Rossoni" o‘yini 50:0 hisobida yakunlandi