Biz uch kishi edik. Yo‘l-yo‘lakay ikki hamrohim ijtimoiy-siyosiy hayotimizning avra-astarini chiqarib muhokama qilib kelishyapti.
– Diniy erkinlik butunlay bo‘g‘ib qo‘yilgan, shunaqami? – dedi menga bittasi og‘zidagi saqichini chalpillatib.
– Sizning dinga nima aloqangiz bor? – dedim.
– E, bu nima deganingiz?
– Nega Ramazonda saqich chaynab yuribsiz?
– Vaqti kelganda tutamiz, oka!
– Vaqtingiz qachon keladi? Xudo sizga alohida vaqt belgilaganmi?
– Siz ham “qizillar”dan ekansiz-ku! – deyishdi ular bir-birlariga istehzoli qarashib.
– O‘zingiz dinning ko‘chasiga ham kirmagansiz, uning bo‘g‘ib qo‘yilgani sizni nega tashvishlantirayapti?
Hamrohlarim jim qolishdi.
Poytaxtga kirib, mashinani to‘g‘ri “Novza” masjidiga haydadim.
– Aka, biz Qo‘yliqqa? – dedi bittasi.
– Kun juda isib ketdi. Tahorat qilib, bir rohatlanib olinglar, – dedim-da, qo‘yarda qo‘ymay hamrohlarimni masjidga boshlab kirdim.
Tahoratxona. Iliq suv, sovuq suv oqib turibdi. Yuz-qo‘l uchun alohida, oyoqlar uchun alohida sochiqlar... Istasangiz 5-6 xil mushk-anbar... Tahoratxonadan chiqishda og‘izni tozalash uchun alohida suyuqliklar...
Siyosatchi hamrohlarim maza qilishdi.
– Endi birrov masjidga kiraylik, – dedim.
– Oka, biz... unchalik bilmaymiz...
Kirdik. Birdan jannatning hidi kelganday bo‘ldi. Yushmoqqina gilamlar... Muzday xonaqoh... Burchaklardagi maxsus javonlar to‘la kitob. 7-8 nafar kishi u yer-bu yerda mukka tushib kitob o‘qishyapti... Xullas, ana shu “jannat”da biz ham yarim soatcha qolib ketdik.
– Endi ketdik, – dedim hamrohlarimga ishora qilib.
– Oka, maza joy ekan, yana ozgina o‘tiraylik, – deyishdi.
– Yo‘q, bizda diniy erkinliklar bo‘g‘ilgan, tezroq ketish kerak bu yerdan, – dedim.
Hamrohlarim yerga qarashdi. Shunda men o‘ylab qoldim: tuzatishni avval o‘zimizdan boshlashimiz kerakmikin... Diniy erkinliging bo‘g‘ib qo‘yilgan bo‘lsa, sen avval bo‘g‘ilmagan joylaridan foydalanib ko‘r! Ehtimol, sen “foydalanaversang” asta-sekin bo‘g‘ilgan joylari ham ochilib ketar! Kim bilsin, balki sening karohiyating urib, shunaqa bo‘g‘ilib yotgandir!
Xullas, “paxta qo‘yibsan” deyishdan oldin, insof bilan bir o‘ylab ko‘r!
Manba: Azon.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
AQSHda 10 yoshli bola politsiyaga qo‘ng‘iroq qilib, matematikadan uy vazifasini bajarishda yordam so‘radi
Rossiya Davlat dumasiga rus tilini bilmaydigan migrant bolalarni maktablarga kiritishni taqiqlash loyihasi kiritildi
Migren, klaster sefalgiya, zo‘riqish... Bosh og‘rig‘ining necha turi mavjud?
Sayxunobodda qarzdor otadan salkam 75 mln so‘m aliment pullari undirildi
Xonanda Munisa Rizayeva ilk marta ona bo‘ldi
Kipr hukumati rossiyalik va ukrainalik milliarderlarning «oltin» pasportlarini olib qo‘ydi
Eron oliy rahnamosi Netanyaxuni qatl qilishga chaqirdi
