Soxtalik qalbimni ezar chunonam,
Kibr havosidan sarxush bukun dil.
Dining xususida qalbimda yo‘q g‘am,
Halok bo‘lgum, Rabbim, O‘zing rahm qil!
Va’zxonlik boshlansa, toparsan meni,
Amri ma’ruf uchun sayrar jag‘da til.
Savdo mahalida unutdim Seni
Halok bo‘lgum, Rabbim, O‘zing rahm qil!
Ta’lim yo‘llariga bardosh berolmay
Solihlik xullasi bosdi tanim zil
Farzandim haqqini turar so‘rolmay,
Halok bo‘lgum, Rabbim, O‘zing rahm qil!
Ota e’zozini bilmas oqpadar,
Men gumroh bandangni atarlar yo‘qsil.
Onamning poyida yig‘olmasam gar,
Halok bo‘lgum, Rabbim, O‘zing rahm qil!
Qur’on ta’limiga menda yo‘q jur’at,
Hadis olimidan olmadim taxsil,
Munkarot oldida topilmas da’vat,
Halok bo‘lgum, Rabbim, O‘zing rahm qil!
Uyat holatlardan qizarmadi yuz,
Gunoh, ma’siyatdan bo‘lolmadim sil.
Fohish nigohlardan uzolmadim ko‘z,
Halok bo‘lgum, Rabbim, O‘zing rahm qil!
Go‘zal jumlalarni aylabon qamal,
Zohirim ko‘rsatib daho bir oqil.
O‘zim gapirdim-u, qilmadim amal,
Halok bo‘lgum, Rabbim, O‘zing rahm qil!
Payg‘ambarim dedim payg‘ambaringni
Ammo yo‘llarini tutdim-ku, hazil.
Yo‘qotdim iymon-la bergan zaringni
Halok bo‘lgum, Rabbim, O‘zing rahm qil!
Shuncha gunohlardan so‘ng ham bemalol,
Faqat Senga ochdim tilanib bu qo‘l,
Men uchun Qiyomat emas xomxayol
Halok bo‘lgum, Rabbim, O‘zing rahm qil!
Manba: Azon.uz
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi