Qur’on bu – ham tanamiz, ham qalbimiz uchun ilohiy malhamdir

Biz hozir hayotimizni texnikasiz tasavvur qilolmaymiz. Bir-ikki soat elektr toki bo‘lmasa yoki qo‘l telefonimiz ishlamay qolsa, dunyo ko‘zimizga qorong‘i ko‘rinib ketadi go‘yo.

Chindan ham, bugun turmush tarzi shiddat bilan o‘zgarib bormoqda. Ammo insonning fitrati – asl tabiati ming yil oldin qanday bo‘lsa, shundayligicha turibdi. Sira o‘zgargani yo‘q. Yana ellik-yuz yildan keyin ham inson insonligicha qoladi.

Aytmoqchi bo‘lganimiz, Qur’on bu – shifo. Ham tanamiz, ham qalbimiz uchun ilohiy malhamdir. Ilm-fan qancha rivojlanmasin, inson qalbini Qur’ondan boshqa narsa bilan davolab bo‘lmaydi.

Qilni qir yoradigan olimlar ming kashfiyot qilmasinlar, qalbni illatlardan tozalaydigan Qur’ondan yaxshiroq shifoni yaratolmaydilar. Qalbni Allohning Kalomi bilan davolamasa, ojiz banda “yaratgan” vositalar mukammal shifo bo‘la olmaydi.

Manba: Azon.uz “Zamin” yangiliklarini “Facebook”da kuzatib boring