Sakkiz yil avval, xuddi shu kuni osmonda bir yulduz porlagandek bo‘lgandi. Ko‘nglim bir entikkan edi o‘shanda. Kunduzi soat 12 da sen tug‘ilganding dilbandim. Butun dunyo, har bir jonzot, qumursqalardan tortib insonlargacha, giyohlardan tortib, ishkomdagi uzumlargacha ko‘zimga boshqacha ko‘rina boshlagandi. Bir lahzada olam o‘zgargan, go‘yo. Sening fitratingda men qayta tug‘ilgandim, jonim bolam!
Dadang bilan seni yeru ko‘kka ishonmay o‘stiryapmiz. Qiqirlab, zavqlanib kulishlaring qalbimizni, uyimizni quvonchga to‘ldirardi.
Ko‘p o‘tmay emaklading, tishlaring chiqdi, yurding, «Dada» «Oyi», deding... Tiling biram shirin bo‘ldi. Zehning o‘tkirligidan hayratlanaman, quvonaman. Dadang ikkimizning hayotimiz mazmuni, ovunchog‘imizsan. Senga qarab ko‘nglimiz tog‘day o‘sadi, dilimiz quvonchga to‘ladi.
Bugun sakkiz yoshga to‘lasan, jonim bolam! Atirgulim! Allohim seni yomon ko‘zdan asrasin! Bizga kamolingni, baxtu iqbolingni ko‘rish nasib etsin!
Senga yozayotgan nomalarim mazmunini qachon tushunshingni bilmayman! Biroq, yozmasam bo‘lmaydi, senga insoniylik va ayollik, yaxshi farzand bo‘lish sabog‘ini berish onalik burchimdir! Ushbu nomalarim senga ibrat, o‘git bo‘ladi, insha Alloh.
Qizi bor uyning fayzi bor deyishadi, nuroniy onaxonlar. Eng avvalo pokiza bo‘l! Kiyimlaring, jismu joning, yashash joying hamisha ozoda bo‘lsin. Ovqatlanib bo‘lgach, idish-tovoqlarni darrov yig‘ishtirib yuvib qo‘y. Tozalik bor joyda xastalik, bemorlik bo‘lmaydi. Bunday joyga faqat baraka kiradi. Pokizalik – iymondan, jonim qizim.
Toza kiyimlarga kirlanganlarini aralashtirib taxlama. Shunda ular uzoq vaqt yangidek turadi. Ko‘chaga, duch kelgan joyga axlat tashlama. Maxsus qutilarga sol. Uyni, hovlini doim toza tut. Ko‘rganning ko‘zi quvonsin.
Ko‘zimning nuri, hozircha shu o‘gitlarimni bajar. Qolganini kelgusi nomamda bayon etaman, insha Alloh!
Davomi bor...
Saida IBODINOVA
Manba: Azon.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?