Koronavirusdan saqlanishning eng zarur qoidalari

Hammaga ma’lumki butun dunyoda koronavirusga qarshi jiddiy kurash olib borilmoqda. Bugungi kunda dunyoning 101 ta davlatida jami 102 180 nafar bemorlarda «COVID-19» koronavirus infeksiyasi aniqlangan, ulardan 57 389 nafari sog‘aygan, 3491 nafari vafot etgan.

Shu sababdan har birimiz o‘zimizni va yaqinlarimizni ushbu epidemiyadan asrashimiz, barcha zaruriy gigiyenik qoidalarga qat’iy amal qilishimiz talab etiladi.

Eslatib o‘tamiz, kasallikning oldini olish uchun har bir fuqaro quyidagi tavsiyalarga amal qilish kerak:
- avvalo, chet elga borishni rejalashtirishda dunyodagi epidemik vaziyat bo‘yicha to‘liq ma’lumotlardan xabardor bo‘ling!
- zarurat bo‘lmagan taqdirda ommaviy tadbirlarda ishtirok etishdan imkon qadar cheklaning!
- qo‘llarni tez-tez, yaxshilab sovun bilan yuving va spirtli dezinfeksiyalovchi vositalardan foydalaning!
- farazandlaringizning qo‘l yuvishini doimiy nazoratga oling!
- yuz-ko‘zingizni notoza qo‘l bilan ushlamang!
- uy hayvonlarini boqishda, asrashda gigiyena qoidalariga qat’iy rioya qiling!
- odamlar oldida yo‘talganingizda yoki aksirganingizda og‘zingiz va burningizni dastro‘mol, salfetka yoki bukilgan tirsagingiz bilan to‘sing!
- shamollash yoki gripp alomatlari bor odamlar bilan yaqin, yuzma-yuz muloqot qilishdan cheklaning!
- ovqatlanishda yaxshilab pishirilgan, asosan qaynatilgan va qovurulgan taomlardan iste’mol qiling, iste’mol qilinayotgan go‘sht va sut mahsulotlarining yaxshilab pishganligiga ishonch hosil qiling!
- isitma, yo‘tal va nafas qisishi holatlari paydo bo‘lganda darhol shifokorga murojaat qiling!

“Zamin” yangiliklarini “Youtube”da kuzatib boring