Avstraliyalik santexnika jihozlari ishlab chiqaruvchisi Reece Ltd (ASX:REH) aksiyalari dushanba kuni 20% ga tushib, 11,01 avstraliya dollarini tashkil etdi, deb Investing.com xabar berdi. Bu ASX 200 indeksi 0,4% o‘sib turgan vaqtda yuz berdi.
Kompaniyaning soliqdan keyingi yillik sof foydasi 24% ga kamayib, 317 mln avstraliya dollarini ($205,3 mln) tashkil etdi. Bu kutilgan 325,1 mln dollardan past bo‘ldi. Sotuv hajmi ham 1,4% ga qisqarib, 8,89 mlrd avstraliya dollariga yetdi. Dividendlar esa 25,75 sentdan 18,36 sentga tushirildi.
Kompaniya AQSh va Avstraliyada talabning pasayishini asosiy sabab sifatida ko‘rsatdi. Xususan, AQShda foyda 5% ga tushdi. Reece hisobicha, kelasi 12–18 oy mobaynida uy-joy bozori cheklangan bo‘lib qoladi. Yuqori ipoteka stavkalari va inflyatsiya ham talabni pasaytirmoqda.
“Zamin”ni Telegramʻda oʻqing!
