2026 yil fevral oyida Markaziy bankning Bank nazorati qo‘mitasi 7 marotaba keng yig‘ilishlar o‘tkazdi va banklar, kredit hamda to‘lov tashkilotlari faoliyatiga oid jami 43 ta muhim masalani mufassal muhokama qildi.
Yig‘ilishlarda asosan quyidagi yo‘nalishlar ko‘rib chiqildi:
- yangi tashkilotlarni ro‘yxatga olish va litsenziyalash jarayonlari,
- banklar va kredit tashkilotlarining moliyaviy barqarorligi va hisobotlari,
- prudensial me’yorlar hamda Markaziy bank ko‘rsatmalariga rioya qilinishi,
- tekshiruv va inspeksiya natijalari,
- iste’molchilar huquqlarini himoya qilish choralari,
- bank va to‘lov tashkilotlarida kiberxavfsizlik talablari,
- «tartibga solish qumdoni» doirasidagi sinov va nazorat jarayonlari.
Yig‘ilishlarda aniqlangan kamchiliklar natijasida qator choralar qo‘llandi:
- 11 ta bankqa nisbatan jarima va ma’muriy sanksiyalar belgilandi,
- 14 ta bank va 4 ta to‘lov tashkiloti ogohlantirildi va tegishli choralar ko‘rilishi eslatildi,
- 8 ta bank uchun moliyaviy barqarorlikni ta’minlash maqsadida oddiy aksiyalar bo‘yicha dividendlar tarqatmaslik va makroprudensial buferlar shakllantirish topshirildi.
Ekspertlar fikriga ko‘ra, Markaziy bankning muntazam nazorat va samarali chora-tadbirlari bank tizimida barqarorlikni mustahkamlab, iste’molchilarning huquqlarini yanada himoya qilishga xizmat qiladi. Shuningdek, bu jarayonlar raqobat muhitini rivojlantirish va moliyaviy xavflarni minimallashtirishda muhim ahamiyatga ega.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
