Bosh prokuratura: Gulnora Karimovaning pullarini Shveysariyadan O‘zbekistonga qaytarish bo‘yicha muzokara olib borilmoqda

Bosh prokuratura Gulnora Karimovaga tegishli pullarni Shveysariyadan O‘zbekistonga qaytarish bo‘yicha muzokaralar olib borilayotganini tasdiqladi.

“Hozirda bu masala Shveytsariya prokuratura organlari bilan hamkorlikda ko‘rib chiqilmoqda. Uzil-kesil yakuniga yetishi bilan rasmiy bayonot beramiz”, — dedi Bosh prokuratura matbuot kotibi Surayyo Rahmonova.

Oldinroq OAV Gulnora Karimovaga tegishli bo‘lgan va Shveytsariya banklarida muzlatib qo‘yilgan 800 million frank (810 million dollar) Toshkentga qaytarilishi masalasi deyarli ijobiy hal etilganini ma’lum qilgandi.