Farg‘onada talaba yigit va qiz birgalikda o‘z joniga qasd qildi

1 daqiqa o'qish2.3K
Farg‘onada talaba yigit va qiz birgalikda o‘z joniga qasd qildi
Farg‘ona shahridagi Koreya xalqaro universiteti (KIUF)ning ikki talabasi birgalikda o‘zini osib, joniga qasd qildi. Bu haqda bosh prokuror matbuot kotibi Hayot Shamsutdinov ma’lum qildi.

Qayd etilishicha, Farg‘ona shahar IIB navbatchilik qismiga 2021 yil 30 dekabr kuni kelib tushgan murojaatga ko‘ra, H.D. ismli qiz (2003 yilda tug‘ilgan) va I.S. ismli yigit (2002 yilda tug‘ilgan) shaharning «Afrosiyob» mahallasi hududida joylashgan «Far Barchinoy tilagi» fermer xo‘jaligi dala yer maydonining 21-konturidagi tut daraxtiga arqondan sirtmoq yasab, o‘zini osib, joniga qasd qilgan.

Hodisa joyini ko‘zdan kechirish davomida olingan oziq-ovqat mahsuloti (tovuq go‘shti) iste’mol uchun yaroqli yoki yaroqsiz ekani, tarkibida biror-bir bakteriya mavjud yoki mavjud emasligini tekshirish uchun viloyat SEO va JSBga yuborilgan.

Viloyat Sog‘liqni saqlash boshqarmasi bosh suitsidologining tahlil xulosasida yetarli ma’lumotlar yo‘qligi uchun noaniq sababli sodir etilgan klaster (kengaytirilgan) ko‘rinishdagi chin suitsid degan xulosaga kelingan.

Psixologik-psixiatrik ekspertiza xulosasida S.I. va D.H. so‘nggi kunlarda emotsional holatda bo‘lgani keltirilgan. Ularning ota-onalari va yaqin insonlari bilan o‘rtalaridagi munosabat, ijtimoiy-psixologik inqiroz suitsidga olib kelgan autoagressiv harakatni keltirib chiqargan.

Tergovga qadar tekshiruv davomida marhumlarning kursdoshlaridan tushuntirish xatlari olingan. Shuningdek, ularning voqea sodir etilgunga qadar bo‘lgan harakatini aniqlash maqsadida jamoat joylaridagi videokuzatuv kameralar ko‘zdan kechirilgan. Ammo D.X. va S.I. tasvirga tushgan kadrlar aniqlanmagan.

Tekshiruv yakunlariga ko‘ra, marhumlarning vafot etgani bo‘yicha jinoyat alomatlari aniqlanmagan. Shunga ko‘ra jinoyat ishi qo‘zg‘atishni rad etish haqida qaror qabul qilingan.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?