Jizzaxda o‘quvchi qizlar boshqa bir qizni «samosud» qildi

^{Skrinshot: Facebook}
Ijtimoiy tarmoqlarda Jizzaxda maktabda o‘qiydigan qizlar boshqa bir qizni «samosud» qilgani tasvirlangan video tarqaldi. Jizzax viloyati IIB holatga munosabat bildirib, hozirda tekshiruv harakatlari olib borilayotganini ma’lum qildi.

Videoda bir nechta o‘quvchi qizlar boshqa bir qizni o‘rtaga olib, kechirim so‘rashga majburlagani tasvirlangan. Aniqlanishicha, Jizzax shahri «Bog‘ishamol» mahallasida yashovchi, Jizzax shahridagi o‘rta umumta’lim maktabi o‘quvchisi M.N. ijtimoiy tarmoqda Sharof Rashidov tumani «Istiqlol» mahallasida yashovchi M.A. bilan muloqotga kirishgan.

O‘zaro yozishmalar chog‘ida ular o‘rtasida kelishmovchilik yuzaga kelgan. Shundan so‘ng M.N. va M.A. Jizzax shahridagi o‘quv markazida uchrashib, janjallashgan. Ushbu hodisaning tasvirlari ijtimoiy tarmoqda tarqalib ketgan.

Holat yuzasidan Jizzax shahar IIB xodimlari tomonidan tergovga qadar tekshiruv harakatlari olib borilmoqda. “Zamin” yangiliklarini “Instagram”da kuzatib boring