Yakkasaroy tumanida ko‘prik ustida «Gazel» yonib ketdi

^{Foto: FVV}
Bugun, 23 iyul kuni soat 19:35 da Toshkent shahar Yakkasaroy tumani Bobur ko‘chasidagi ko‘prik ustida harakatlanib ketayotgan «Gazel» rusumli yuk avtomobilida yong‘in sodir bo‘layotganligi to‘g‘risida shahar FVBga xabar kelib tushgan.

Shunga ko‘ra 2 ta yong‘in-qutqaruv ekipaji voqea joyiga yetib borgan va yong‘in o‘chirilgan.

Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.