Sirdaryoda ham o‘qotar ov qurolini noqonuniy saqlagan shaxs aniqlandi

^{Foto: Sirdaryo viloyati ichki ishlar boshqarmasi}
Sirdaryo viloyati Guliston shahrida fuqaro xonadonida o‘qotar ov quroli saqlagani aniqlandi. Bu haqda viloyat ichki ishlar boshqarmasi axborot xizmati xabar berdi.

Olingan ma’lumotga ko‘ra, Guliston shahri IIB xodimlari tomonidan olib borilgan tezkor tadbir davomida 1967 yilda tug‘ilgan, Guliston shahrida yashovchi Z.A.ning yashash xonadoni ko‘zdan kechirilgan. Tadbir davomida tegishli ruxsatnomasiz 1 dona 1 stvolli, 5.6 kalibrli, 14289 raqamli «TOZ-16» rusumli o‘qotar ov quroli saqlab kelinayotgani aniqlanib, ashyoviy dalil sifatida olindi.

Holat yuzasidan Jinoyat kodeksining 248-moddasi (o‘qotar qurolning, o‘q-dorilarning, o‘qotar qurol asosiy qismlarining, portlovchi moddalarning, portlatish vositalarining yoki portlatish qurilmalarining qonunga xilof muomalasi) bilan jinoyat ishi qo‘zg‘atish choralari ko‘rilmoqda. “Zamin” yangiliklarini “Youtube”da kuzatib boring