Mashinadagi 90 million so‘mni o‘g‘irlagan shaxs ushlandi

^{Foto: Toshkent viloyati IIBB axborot xizmati}
Qibray tumanida eshigi qulflanmagan mashinadan 90 million so‘mni o‘g‘irlagan shaxs ushlandi — 16 yoshli o‘smir... Bu haqda Toshkent viloyati IIBB axborot xizmati xabar berdi.

Ma’lum qilinishicha, tumandagi «Parvoz» MFYda yashovchi fuqaro S.U. shaxsiy «Tracker» avtomashinasini o‘zi yashaydigan uy oldida eshigini ochiq (qulflamay) qoldirgan bo‘lgan.

Vaziyatdan foydalangan shaxs avtomobil salonida bo‘lgan haydovchilik guvohnomasi, bank plastik kartalari, xonadon kaliti, 7 500 AQSH dollari hamda 300 ming so‘m miqdoridagi pulni olib, voqea joyidan yashiringan.

Olib borilgan surishtiruvlar natijasida o‘g‘irlikni 2005 yilda tug‘ilgan shaxs — fuqaro A.J. sodir etgani IIB tezkor xodimlari tomonidan aniqlanib, ushlangan.

^{Foto: Toshkent viloyati IIBB axborot xizmati}
Qibray tuman IIB huzuridagi Tergov bo‘limi tomonidan fuqaro A.J.ga nisbatan O‘zbekiston Respublikasi JKning 169-moddasi 2-qismi “b” bandi bilan jinoyat ishi qo‘zg‘atilib, tergov harakatlari vaqtida jabrlanuvchiga yetkazilgan jami 86 mln 317 ming so‘m moddiy zarar to‘liq undirilishiga erishilgan.

Tergov tugatilib, ish sudga yuborildi, deyiladi xabarda. “Zamin” yangiliklarini “Odnoklassniki”da kuzatib boring