Sudyalar oliy kengashi besh nafar sudyani lavozimidan ozod qildi

Besh nafar sudyaning vakolatlari muddatidan ilgari tugatildi.

Sudyalar oliy kengashi qarori bilan:

• Samarqand viloyati fuqarolik ishlari bo‘yicha Samarqand shahar sudining sudyasi S. Tursunov;
  
• Toshkent shahar jinoyat ishlari bo‘yicha Shayxontahur tuman sudining sudyasi A. Yuldashev;
  
• Toshkent viloyati jinoyat ishlari bo‘yicha Olmaliq shahar sudining sudyasi B. Jo‘rabekov yozma arizalariga ko‘ra;
  
• Toshkent shahar sudining iqtisodiy ishlari bo‘yicha sudyasi I. Xakimova odil sudlovni amalga oshirishda qonuniylikni buzganligi uchun;
  
• Samarqand viloyati jinoyat ishlari bo‘yicha Payariq tuman sudining raisi Sh.Sharipov vafot etganligi sababli lavozimlaridan ozod etilib, vakolatlari muddatidan ilgari tugatildi.

“Zamin”ni Telegramʻda oʻqing!