Shavkat Mirziyoyev saudiyalik olimlar bilan islom dini tarixi haqida fikr almashdi

Shavkat Mirziyoyev 17 avgust kuni Madinada bo‘lib, Masjidun Nabaviyni ziyorat qildi. Bu haqda Prezident matbuot xizmati xabar qildi.

Qayd etilishicha, davlat rahbari Payg‘ambar alayhissalomning siyratlari va islom sivilizatsiyasi muzeyi bilan ham tanishgan.

^{Foto: Prezident matbuot xizmati}
Prezident muzeyni ko‘zdan kechirish davomida saudiyalik olimlar bilan Islom dini tarixi, o‘zbek va arab xalqlarini bog‘lovchi rishtalar haqida fikr almashgan.

^{Foto: Prezident matbuot xizmati}
Doktor shayx Nosir Zahroniy muzeydagi ma’lumotlar Imom Buxoriy va Imom Termiziy asarlaridan olinganini aytgan. Shavkat Mirziyoyev O‘zbekistonda bu allomalar nomi bilan ilmiy markazlar tashkil qilingani, islom madaniyati obidalari asrab-avaylanayotganini ta’kidlab, olimlarni mamlakatga taklif qilgan.

^{Foto: Prezident matbuot xizmati}
Davlat rahbari Madinani ziyorat qilib yurgan o‘zbekistonlik fuqarolar bilan ham suhbatlashgan. “Zamin” yangiliklarini “Instagram”da kuzatib boring