Toshkentda Matiz avtomobilini olib qochgan shaxs ushlandi

^{Foto: Ichki ishlar vazirligi}
Toshkent shahri Yunusobod tumanida 18 avgust kuni olib qochilgan avtomashina yo‘l-patrul xizmati inspektorlari tomonidan ushlandi. Bu haqda Ichki ishlar vazirligi xabar qildi.

Qayd etilishicha, shu kuni soat 21:05 larda Yunusobod tumanidagi mehmonxona turargohidan Matiz avtomashinasi noma’lum shaxslar tomonidan olib qochilgani to‘g‘risida xabar berilgan.

Holat yuzasidan ko‘rilgan chora-tadbirlar natijasida 18 avgust soat taxminan 21:30 larda mayor A.Baxronov tomonidan ushbu avtoulov Olmazor tumani KHAY ko‘chasi bo‘ylab harakatlanib ketayotgani aniqlanib, to‘xtatilgan. Avtomashinani boshqarib ketayotgan shaxs B.X. (2001 yilda tug‘ilgan) ushlangan.

Holat yuzasidan Jinoyat kodeksining 267-moddasi (transport vositasini olib qochish) bilan jinoyat ishi qo‘zg‘atilgan. Hozirda tergov harakatlari olib borilmoqda. “Zamin”ni Telegramʻda oʻqing!