09:35 / 22.04.2016
8 099

Toshkentda bir yo‘la 3 ta chaqaloq sog‘lom dunyoga keldi

Toshkentda bir yo‘la 3 ta chaqaloq sog‘lom dunyoga keldi
Bugungi kunda perinatal markazlarida homiladorlik davrida muayyan bir xastalik bilan og‘rigan, muddatidan avval tug‘ruq xavfi mavjud bo‘lgan onalar hamda erta tug‘ilgan chaqaloqlar parvarishlanmoqda. Kam vaznli chaqaloqlarni parvarish qilishga mo‘ljallangan Respublika ixtisoslashtirilgan akusherlik va ginekologiya ilmiy-amaliy tibbiyot markazida ham tug‘ruq jaroyoniga etakchi mutaxassislar jalb etilgan, deb xabar bermoqda "UzReport" sayti.

Nodira Xusenova ham ushbu markazda tajribali shifokorlar nazorati ostida bir yo‘la 3 ta chaqaloqni dunyoga keltirib, mamlakatimiz fuqarolarining sonini yana 3 taga ko‘payishiga xissa qo‘shdi. Markaz shifokorlarning aytishicha bu erda uch ekzakning dunyoga kelishi har yili 3 yoki 4 marotaba kuzatiladi. Albatta go‘daklarning sog‘lom o‘sishida birinchi navbatda yaxshi parvarish talab qilinadi.

Mamlakatimizda onalik va bolalikni muhofaza qilish davlat ijtimoiy siyosatining strategik yo‘nalishlaridan biri hisoblanadi. O‘tgan yillar davomida, sog‘lom avlod tug‘ilishi va uning tarbiyasi uchun qulay sharoitlar yaratishga qaratilgan muhim chora-tadbirlar ishlab chiqilib, ular amalga tadbiq etildi.

Ma’lumotlarga ko‘ra ayni paytda yurtimizda 5300 nafarga yaqin pediatr, 1450 nafardan ziyod neonatologlar, 815 nafar bolalar xirurgi, 261 nafar bolalar oftalmologi, 677 nafar bolalar nevropatologi, 800 nafarga yaqin bolalar stomatologlari faoliyat ko‘rsatmoqda. Onalik va bolalikni muhofaza qilishda homilador ayollarni inson hayoti va salomatligi uchun zarur bo‘lgan mikroelementlarga ega polivitaminlar bilan ta’minlash amaliyoti yildan-yilga takomillashib bormoqda.Mutaxassislar o‘tkazgan monitoringlardan ma’lum bo‘lishicha, ushbu amaliyot qo‘llanilishi samarasida onalar va dunyoga kelayotgan farzandlarning salomatlik ko‘rsatkichi yanada yaxshilanib, tug‘ruq va undan keyingi davrlarda yuzaga kelishi mumkin bo‘lgan asoratlar va vazni kam bolalar tug‘ilishining oldi olinmoqda.

Yaxshi bilasiz, bo‘lajak onalar homiladorlikning 12 , 14 va 20 haftasida tekshiruvlardan o‘tishadi. Skrinig tekshiruvlari natijalari ma’lum bo‘lgach, shifokorlarayollarga qo‘shimcha tavsiyalar berib, tug‘ruq jarayoniga tayyorlashadi. Shifokorlarning ma’lum qilishicha, ayni paytda bir kilogrammdan kam vaznda tug‘ilgan jajji go‘daklar ham butkul sog‘lomlashtirilib, baxtiyor oilalar safini kengaytirmoqda. Vaholanki, bundan 20-25 yil oldin hatto 1, 5 kilogramm atrofida tug‘ilgan bolalarning yashab ketishiga ishonchsizlik bilan qaralardi. Kompleks chora-tadbirlarning amalga oshirilishi natijasida o‘tgan yillar davomida yurtimizda onalar va go‘daklar o‘limi 3 barobarga kamaydi. Aholining o‘rtacha umr ko‘rish darajasi esa 7,5 yilga uzaydi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Toshkentda bir yo‘la 3 ta chaqaloq sog‘lom dunyoga keldi
[/banner_pushhouse