Surxondaryoda YPX xodimiga 2 ming dollar pora bermoqchi bo‘lgan haydovchilar ushlandi

^{Foto: Videodan kadr}
Surxondaryo viloyati IIB axborot xizmatining xabar berishicha, Uzun tumanida yashovchi haydovchi va uning sherigiga tegishli mashinalar muddati o‘tgan qarzdorlik borligi sabab YPX xodimi tomonidan jarima maydonchasiga joylangan.

Shundan so‘ng haydovchilar har ikkala mashinani jarima maydonchasidan olib chiqib ketish evaziga YPX xodimlariga har bir mashina uchun 1000 dollardan pul taklif qilgan. Haydovchilarning maqsadi mashinaga ortilgan dorivor kovrak urug‘larini tezroq manzilga yetkazish bo‘lgan.

YPX xodimining bildirgisiga asosan prokuratura departamenti Denov tumani bo‘limi va viloyat IIB xodimlari ishtirokida tezkor tadbir o‘tkazilgan. Tadbirda haydovchilar YPX xodimiga ikkita mashinani jarima maydonchasidan olib chiqish evaziga 15 million so‘m berayotganda ashyoviy dalillar bilan ushlangan.

pic.twitter.com/beNjlvZR3u

— Шухрат Раззаков (@ShuhratRazzakov) September 11, 2022

Qayd etilishicha, mazkur holat yuzasidan Jinoyat kodeksining 211-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda. “Zamin” yangiliklarini “Telegram”da kuzatib boring