
Foto: O‘zbekiston musulmonlari idorasi matbuot xizmati
Toshkentda Haj va Umra xizmati sifatini oshirish, ziyorat narxini arzonlashtirish masalasi muhokama etildi. Bu haqda O‘zA xabar berdi.
27 sentyabr kuni Saudiya Arabistoni podshohligi haj va umra ishlari vaziri Tavfiq bin Favzon ar-Rabia boshchiligidagi delegatsiya O‘zbekistonga tashrif buyurgandi. 28 sentyabr kuni Toshkent shahridagi «Simpoziumlar saroyi»da Saudiya Arabistoni podshohligi Haj va umra ishlari vaziri Tavfiq bin Favzon ar-Rabia hamda Din ishlari bo‘yicha qo‘mita raisi Sodiqjon Toshboyev va O‘zbekiston musulmonlari idorasi raisi, muftiy Nuriddin domla Xoliqnazarov ishtirokida o‘zaro muloqot bo‘lib o‘tdi.
Qayd etilishicha, muloqotda haj va umra qiluvchilarga xizmat ko‘rsatish sifatini yanada oshirish, ibodatchilar uchun Mino, Arafot va Muzdalifa vodiylarida yanada qulay sharoit hozirlashga doir taklif, mulohazalar bildirildi.
O‘zbekiston musulmonlari idorasi raisi, muftiy Nuriddon Xoliqnazarov Haj va Umra qiluvchi kishilar Alloh taoloning mehmoni ekani, ularga ko‘mak bergan, og‘irini yengil qilgan inson ulug‘ savobga noil bo‘lishini eslatdi.

Foto: O‘zbekiston musulmonlari idorasi matbuot xizmati

Foto: O‘zbekiston musulmonlari idorasi matbuot xizmati
Shuningdek, ilmiy-tadqiqot ishlarida hamkorlik qilish, din ulamolari ishtirokida anjumanlar o‘tkazish, Samarqand, Buxoro, Termiz kabi qadimiy shaharlarimizga Saudiya Arabistoni fuqarolari ziyoratini tashkil etish bo‘yicha bir qator amaliy takliflar, fikr-mulohazalar taqdim etildi.

Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar