3,2 mln o‘zbekistonlik qarindoshini yo‘qlash maqsadida xorijga chiqib ketdi

9 oyda 3,2 mln o‘zbekistonliklar qarindoshini yo‘qlash maqsadida xorijga chiqqan. Bu haqda Davlat statistika qo‘mitasi ma’lumot berdi.

Qo‘mita xabariga ko‘ra, 2022 yilning 1 oktabr holatiga O‘zbekiston fuqarolarining xorijga safar maqsadlari orasida qarindoshlarni yo‘qlash birinchi o‘rinda turibdi — 3,2 mln kishi.

Bundan tashqari, dam olish maqsadida 502,9 ming kishi, o‘qish maqsadida 124,1 ming kishi chetga chiqib ketgan.

Shuningdek, davolanish uchun 36,9 ming kishi O‘zbekistondan ketgan bo‘lsa, xizmat yuzasidan 11,2 ming kishi chiqib ketgan.

Ma’lumot uchun, 1 oktabr holatiga 3,9 mln O‘zbekiston fuqarolari turistik maqsadlarda xorijga safar qilgan. “Zamin” yangiliklarini “Telegram”da kuzatib boring