Jizzaxdagi paxta qabul qilish punktida yong‘in yuz berdi

^{Foto: Jizzax viloyati FVB matbuot xizmati}
Jizzax viloyati Sharof Rashidov tumanidagi paxta qabul qilish punktida yong‘in yuz berdi. Bu haqda viloyat FVB matbuot xizmati xabar qildi.

Qayd etilishicha, 12 oktabr kuni soat 18:13 da Jizzax viloyati FVB Navbatchilik qismiga Sharof Rashidov tumani «Uchtepa» MFY hududida joylashgan «Jizzax Instural To‘qima» MCHJga qarashli paxta qabul qilish punktida yong‘in sodir bo‘layotgani to‘g‘risida xabar kelib tushgan.

Shunga ko‘ra, 4 ta yong‘in-qutqaruv ekipajlari voqea joyiga soat 18:20 da yetib borib, yong‘in 18:24 da o‘rab olinib, 18:50 da o‘chirilgan. Yong‘in natijasida 1 ta 14-sonli g‘aramning ustki qismi to‘liq va 15-sonli g‘aramning ustidagi «Sulton» navli paxta tolalari yongan.

^{Foto: Jizzax viloyati FVB matbuot xizmati}
«Yong‘in oqibatida 35-40 kilogramm paxta tolalari yonib zararlangan», — deyiladi xabarda. Yong‘inning kelib chiqish sababi va moddiy zarar miqdori aniqlanmoqda. “Zamin” yangiliklarini “Telegram”da kuzatib boring