Farg‘onada 3 ming dollarni so‘mga ayirboshlayotgan noqonuniy valyutafurush qo‘lga olindi

^{Foto: Iqtisodiy jinoyatlarga qarshi kurashish departamenti}
Farg‘ona viloyati Buvayda tumanida chet el valyutasini noqonuniy muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti xabar qildi.

Qayd etilishicha, Bosh prokuratura huzuridagi departamentining Buvayda tuman bo‘limi tomonidan tezkor tadbir o‘tkazilgan. Unda tuman markazidagi savdo do‘koni atrofida valyuta ayirboshlash bilan shug‘ullanib kelgan A.G‘. fuqaro S.A.ga jami 3 ming dollarni 33,7 million so‘mga sotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda. “Zamin” yangiliklarini “Telegram”da kuzatib boring