«Harom pullar kirmasin tenderga...» — jurnalist-senator davlat xaridlaridagi o‘yinlar haqida

Oliy Majlis Senatining navbatdagi majlisida senator, O‘zbekiston Jurnalistlar uyushmasi Samarqand viloyati bo‘limi raisi Farmon Toshev moliya, budjet tizimidagi muammolar haqida achchiq va og‘riqli muammolarni gapirdi:

«Xalq ta’limi tenderda yutib olgan hamma narsa «brak» chiqmoqda. Eng qizig‘i, maktabga kompyuter olib kelyapti. Uni qaytarib beramiz desak, 15 sekundda pul ko‘chiriladi. Lekin 6 oydan buyon bu pulni qaytarib ololmaymiz... Biz nima uchun bu mavzuni ko‘taryapmiz, agar shu tenderga yutib olgan odam — davlat xaridlaridagilar jazo olganda edi, biz bunday holatga tushmasdik. Mana shuni aytmoqchimiz, xolos...».

«Bu ishlarni amalga oshirishni o‘zimizga bering, boshqalar aralashmasin, harom pullar kirmasin tenderga...», — qo‘shimcha qildi senator. “Zamin” yangiliklarini “Telegram”da kuzatib boring