Angren shahar hokimi sobiq yordamchisi miltiq bilan o‘z joniga qasd qildi

^{Foto: Ijtimoiy tarmoqlar}
4 nafar farzandning otasi bo‘lgan marhum bor-yo‘g‘i bir oy muddat hokim yordamchisi lavozimida faoliyat yuritgan.

Kun.uz'ning prokuraturadagi manbasiga ko‘ra, holat kecha, 2 dekabr kuni sodir bo‘lgan. Angren shahar hokimi yordamchisi lavozimida ishlagan Behzod Nazarov o‘qotar qurol (miltiq) bilan o‘ziga o‘q uzib, joniga qasd qilgan.

Manbaning ta’kidlashicha, oktabr oyi oxirida hokim yordamchisi lavozimiga tayinlangan marhum 30 noyabr kuni o‘z xohishi bilan ishdan bo‘shash haqida ariza yozgan. 4 oy oldin uning otasi vafot etgan. U otasidan ayrilgach tushkunlikka tushib qolgan.

Sobiq hokim yordamchisining o‘limida hech qanday sabab va shubhali holatlar yo‘qligi aytilmoqda. “Zamin” yangiliklarini “Telegram”da kuzatib boring