Andijondagi yong‘inda uy egasining uch nafar farzandi yonib ketdi

^{Foto: «Daryo»}
Andijon shahridagi xonadonda sodir bo‘lgan yong‘inda mudhish fojia yuz berdi.

Viloyat FVB matbuot xizmati xabar berishicha, yong‘in 22 dekabr kuni soat 19:15 da «Dalvarzin» MFY, S.Abdulla 5-tor ko‘chasidagi uyda yuz bergan. Yong‘in joyiga 4 ta yong‘in-qutqaruv ekipaji soat 19:19 da yetib borib, soat 19:22 da yong‘in o‘rab olinib, 19:32 da o‘chirilgan.

Hodisa oqibatida uyning 70 kvadrat metr maydonda shift, tom qismi va uy jihozlari yongan. Uyning 180 kvadrat metr maydoni yong‘indan saqlab qolingan.

Yong‘in o‘chirish vaqtida uy egasining farzandlari — 2007 yilda tug‘ilgan Sh.R., 2009 yilda tug‘ilgan Sh.R., 2017 yilda tug‘ilgan Sh.M.ning 100 foiz kuygan holda jasadi topilgan.

Ayni paytda yong‘in sababi va zarari aniqlanmoqda. “Zamin” yangiliklarini “Telegram”da kuzatib boring