Rasman: qishki ta’til muddati uzaytirildi

O‘zbekistonga anomal sovuq ob-havo kirib kelishi munosabati bilan barcha bo‘g‘indagi ta’lim muassasalarida qishki ta’til muddati 17 yanvarga qadar uzaytirildi.

Jumladan, umumta’lim hamda ixtisoslashtirilgan maktab o‘quvchilarining qishki ta’til kunlari ob-havo haroratining keskin tushib ketishi sababli 2023 yilning 17 yanvarigacha davom etadi.

Joriy yilning 11-17-yanvar kunlari rejalashtirilgan dars mashg‘ulotlari o‘quv yili davomida boshqa mavzularda tig‘izlashtirilib o‘qitiladi.

O‘quv mashg‘ulotlari 18 yanvar, chorshanba kunidan boshlanadi.

Eslatib o‘tamiz, Gidrometeorologiya xizmati avvalroq harorat -27 darajagacha tushib ketishini ma’lum qilgandi. “Zamin”ni Telegramʻda oʻqing!