20:44 / 24.01.2023
472

Sirdaryoda ko‘pkari sovriniga tirik bo‘ri qo‘ymoqchi bo‘lishgani aniqlandi

Sirdaryoda ko‘pkari sovriniga tirik bo‘ri qo‘ymoqchi bo‘lishgani aniqlandi
Foto: Tabiat resurslari vazirligi
Sirdaryo viloyatining Xovos tumanida yashovchi fuqaro Sh.R. tirik bo‘rini ko‘pkari musobaqasida sovrin tariqasida qo‘ymoqchi bo‘lgan. Shunday xabar ijtimoiy tarmoqlarda tarqalganidan so‘ng, Sirdaryo va Jizzax viloyati Ekologiya hamda Ichki ishlar boshqarmasi xodimlari tomonidan o‘rganish o‘tkazilgan.

Natijada bo‘ri Jizzax viloyatining Zomin tumanida yashovchi fuqaro K.G‘. uyida noqonuniy saqlanayotgani aniqlangan.

Holat yuzasidan fuqaroga nisbatan Ma’muriy javobgarlik to‘g‘risidagi kodeksning 90-moddasi, 1-bandiga asosan bazaviy hisoblash miqdorining 10 baravari, ya’ni 3 mln so‘m miqdorida jarima belgilangan.

Davlat inspektorlari tomonidan bo‘rining holati ko‘zdan kechirilganda, sog‘lom ekani ma’lum bo‘lgan. Shundan so‘ng jonivor tabiat bag‘riga qo‘yib yuborilgan.

arenda kvartira tashkent
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Jamiyat