Surxondaryoda qurilish mollari do‘konlari yonib ketdi (video)

^{Skrin: Telegram}
Surxondaryo viloyati Sherobod tumanida 10 fevral kuni yong‘in sodir bo‘ldi. Bu haqda viloyat Favqulodda vaziyatlar boshqarmasi axborot xizmati xabar berdi.

Qayd etilishicha, soat 15:32 da “Sherboy Shaxzod” MCHJga qarashli 3 ta qurilish materiallari savdo do‘konlarining 75 kvadrat/metr maydonida yong‘in sodir bo‘lgan.

Сурхондарёда қурилиш дўконлари ёниб кетди. pic.twitter.com/vVjRonyaSp

— Шухрат Раззаков (@ShuhratRazzakov) February 10, 2023

Voqea joyiga yong‘in-qutqaruv ekipajlari soat 15:36 da yetib borib, soat 16:10 da batamom o‘chirilgan. Hozirda yong‘in kelib chiqish sabablari va moddiy zarar miqdori aniqlanmoqda.

Yong‘in qutqaruvchilarining sa’y-harakatlari natijasida 800 kvadrat/metr joy saqlab qolingan. Voqea joyiga viloyat Favqulodda vaziyatlar boshqarmasi rahbariyati va tegishli mas’ullar yetib borgan. “Zamin” yangiliklarini “Telegram”da kuzatib boring