Ixtisoslashtirilgan taʼlim muassasalari agentligi tizimidagi Prezident maktablariga 2023/2024-o‘quv yili uchun hujjatlar qabuli 10 iyundan – 30 iyunga qadar onlayn shaklda “Ariza.piima.uz” sayti orqali amalga oshiriladi. Bu haqda agentlik matbuot xizmati xabar berdi.
Prezident maktablariga o‘qishga kirish uchun talabgordan quyidagi hujjatlar talab etiladi:
- tug‘ilganlik to‘g‘risidagi guvohnoma;
- fotosurat (oxirgi 2 oyda olingan);
- ota-onasi yoki uning o‘rnini bosuvchi shaxsning pasport maʼlumotlari va telefon raqamlari (doimiy ishlab turgan telefon raqamlari) aniq va bexato kiritilishi lozim;
- baholar tabeli nusxasi (direktor tomonidan tasdiqlangan);
- talabgorning baholar tabelidagi matematika va tabiatshunoslik fanlaridan 4-sinfdagi yillik baholari “5” baho (aʼlo) bo‘lishi lozim.
Prezident maktablariga nechanchi sinfdan qabul qilinadi?
2023/2024 o‘quv yilida Andijon, Buxoro, Guliston, Jizzax, Qarshi, Navoiy, Namangan, Nukus, Nurafshon, Samarqand, Farg‘ona, Xiva, Termiz va Toshkent shaharlaridagi Prezident maktablariga 5-sinfga qabul qilinadi.
Aprel oxirlarida Ixtisoslashtirilgan ta’lim muassasalari agentligi axborot xizmati rahbari Jo‘rabek Jangirov 2023/2024 o‘quv yili Prezident maktablari imtihonlaridan o‘tolmaganlar ixtisoslashtirilgan maktablarga imtihonsiz qabul qilinishini aytgandi.
“Zamin” yangiliklarini “Facebook”da kuzatib boring
