Toshkent shahridagi dorixonalarda qalbaki dori vositasi sotilayotgani ma’lum bo‘ldi. Bu haqda Farmatsevtika tarmog‘ini rivojlantirish agentligi axborot xizmati rahbari Sevara Tulyaganova xabar berdi.
Aytilishicha, Farmatsevtika tarmog‘ini rivojlantirish agentligiga Dori vositalari, tibbiy buyumlar va tibbiy texnika ekspertizasi va standartlashtirish davlat markazi tomonidan o‘tkazilgan ekspertiza natijalari yuzasidan xat kelib tushgan.
“Ekspertiza natijalariga ko‘ra, Toshkent shahridagi ayrim dorixonalardan xarid qilingan 'Neyromidin' (seriya 40220, yaroqlilik muddati 02.2025, AO 'Olaynfarm') qalbakilashtirilgan dori vositasi ekanligi aniqlangan. Ushbu dori vositasining muomalasiga chek qo‘yish maqsadida, muvofiqlik sertifikatiga ega bo‘lmagan, davlat ro‘yxatidan o‘tmagan, qalbakilashtirilgan dori vositasi zudlik bilan muomaladan chiqarilishi hamda dori vositalarining inson sog‘lig‘iga zararli ta’sirini tasdiqlovchi faktlar aniqlangan taqdirda muomaladan chiqarish va yo‘q qilish tartibi to‘g‘risidagi nizomda belgilangan tartibda yo‘q qilinishi bo‘yicha tegishli ko‘rsatma berildi”, — deydi Sevara Tulyaganova.
Agentlik mas’ullari tadbirkorlarga murojaat qilib, amaldagi qonunchilikka ko‘ra, ushbu huquqbuzarliklar ma’muriy va jinoiy javobgarliklar bilan bir qatorda litsenziya talab va shartlarining qo‘pol buzilish holati deb baholanishini, bu litsenziyaning bekor qilinishiga asos bo‘lishini eslatgan.
“Sizlardan ushbu huquqbuzarlik holatiga yo‘l qo‘ymaslik va uni bartaraf etish choralarini ko‘rishingizni so‘raymiz”, — deydi agentlik mas’uli tadbirkorlarga murojaat yo‘llar ekan.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kuniga nechta olma yeyish mumkin? Ommabop mevaning zararli xususiyatlari
O‘zbekiston Turkmaniston va Turkiya bilan mudofaa sohasida hamkorlik qiladi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Diyetolog qanday qilib non iste’mol qilmasdan qisqa vaqtda ozish mumkinligini aytdi
Hindiston BMTni isloh qilishga chaqirdi
Tramp Eron tomonidan o‘lim tahdidi haqida ogohlantirildi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Shvetsiya Eronni Qur’on yoqib yuborilgani uchun qasos olganlikda ayblamoqda