Xonanda Ozoda Nursaidova Instagram sahifasida orqali onasi vafot etganini ma'lum qildi. U onasi bilan tushgan rasmini sahifasiga joylab “Chidolmayman…. Onajon….Oxiratiz obod boʻlsin”, deb yozib qoldirdi.
“Meni qoʻlimdan san'atdan boshqa hech narsa kelmaydi. Bundan tashqari, atrofingizdagi odamlarning munosabati oʻsha ogʻriqni yanada kuchaytiradi. Oʻsha kezlarida agar onam boʻlmaganlarida, men Oʻzbekistondan ketardim. Oʻshanda onam menga, men onamga dalda boʻldim. Mana shu 14 yil onamni qaritdi. Bu orada qand xastaligiga chalindilar, yuraklari ogʻriydigan boʻlib qoldi. Mendan ham koʻp onam qaridilar”, — degandi xonanda intervyularining birida.
Eslatib oʻtamiz, xonandaning onasi uzoq yillar avtobazada dispetcher boʻlib ishlagan. Otasi esa Ichki ishlar xodimi boʻlib, nafaqaga chiqqan. Xonandaning padari buzrukvori shu yilning yanvar oyida vafot etgandi.
“Zamin” yangiliklarini “Telegram”da kuzatib boring
