Foto: Dunyo AA
Uzbekistan Airways aviakompaniyasi 29 oktyabr kunidan boshlab Toshkent–Myunxen–Toshkent yo‘nalishida to‘g‘ridan to‘g‘ri havo qatnovlarini yo‘lga qo‘ydi, deb xabar bermoqda «Dunyo».
Yo‘nalish bo‘yicha parvozlar haftasiga ikki marta - juma va yakshanba kunlari amalga oshiriladi.
Rasmiy ochilish marosimi doirasida O‘zbekiston bosh konsuli Olimjon Abdullayev va Myunxen aeroporti vitse-prezidenti Ulrix Teis o‘rtasida muzokaralar bo‘lib o‘tdi. Aviakompaniya yo‘lovchilariga xizmat ko‘rsatish sifatini oshirish va tegishli shart-sharoitlar yaratish bo‘yicha kelishuvga erishildi.
1993 yildan buyon Toshkentdan Frankfurt-Mayn yo‘nalishi bo‘yicha havo qatnovlari dushanba, payshanba va shanba kunlari muntazam ravishda amalga oshirib kelinmoqda.
“Zamin” yangiliklarini “Telegram”da kuzatib boring
