Termiz shahrida joylashgan «Muhtasham san’at saroyi» binosining ochiq osmon ostidagi kirish qismida 8 dekabr – "O‘zbekiston Respublikasi Konstitutsiyasi qabul qilingan kun” munosabati bilan targ‘ibot tadbiri tashkil etildi.
Unda viloyat prokuraturasi, Majburiy ijro byurosi viloyat boshqarmasi, viloyat Adliya boshqarmasi hamda boshqa huquqni muhofaza qiluvchi organ vakillari faol ishtirok etib, yangi tahrirdagi Konstitutsiyasi mazmun-mohiyati ishtirokchilarga yana bir bor tushuntirildi.
Mazkur tadbirda «Konstitutsiya ko‘chasi» tashkil etilib, inson haq-huquqlarini anglatuvchi ko‘rgazmalar va barcha sohalarga xos qonun ustuvorligini anglatuvchi bannerlar bilan bezatildi.
Tadbirda ishtirok etgan yoshlarning Konstitutsiyasi bo‘yicha bilimini yanada mustahkamlash maqsadida savol-javob viktorinasi tashkil etilib, faol ishtirok etgan yoshlarga sovg‘alar ulashildi.
Bayram munosabati bilan bu kabi targ‘ibot tadbirlari viloyat bo‘ylab davom ettirilmoqda.
“Zamin” yangiliklarini “Telegram”da kuzatib boring
