Qatar amiri shayx Tamim ibn Hamad Ol Soniy 19-dekabr kuni amaliy tashrif bilan Toshkentga keldi. Prezident matbuot xizmatining xabar qilishicha, uni aeroportda Shavkat Mirziyoyev kutib oldi.
Ular “Xalqaro korrupsiyaga qarshi kurashish bo‘yicha yuksak mukofoti”ning tantanali taqdirlash marosimida ishtirok etadi. Qatar amiri tashabbusi bilan ta’sis etilgan mukofot bilan 2016-yildan buyon har yili global miqyosda korrupsiyaga qarshi kurashga qo‘shgan hissasining e’tirofi sifatida taniqli jamoat arboblari, ekspertlar va jurnalistlar taqdirlab kelinmoqda.
.jpg)
.jpg)
Tashrif doirasida oliy darajadagi muzokaralar ham bo‘lib o‘tadi. O‘zbekiston prezidentining 2023-yil 1—2-oktyabr kunlaridagi Qatarga davlat tashrifi davomida, eng avvalo, siyosat, savdo-iqtisodiyot, investitsiya va madaniy-gumanitar sohalarda erishilgan kelishuvlarning amalga oshirilishi ko‘rib chiqiladi. Xalqaro va mintaqaviy kun tartibidagi masalalar yuzasidan ham fikr almashiladi.
“Zamin” yangiliklarini “Telegram”da kuzatib boring
