Toshkentdagi 140 ta sanoat korxonasida ekologik monitoring o‘tkazilmoqda

^{Foto: Ekologiya, atrof-muhitni muhofaza qilish va iqlim o‘zgarishi vazirligi}
Ekologiya, atrof-muhitni muhofaza qilish va iqlim o‘zgarishi vazirligi tomonidan Toshkentdagi sanoat korxonalarida ekologik monitoring o‘tkazilmoqda.

Vazirlik matbuot xizmatining xabar qilishicha, ekologik monitoring “Salar”, “Bektemir” va “Bo‘zsuv” oqova tozalash inshootlariga bog‘langan kanalizatsiya tarmoqlariga ishlab chiqarish oqova suvlari chiqarayotgan sanoat korxonalarida o‘tkazilmoqda.

Monitoring poytaxtdagi 140 ta sanoat korxonalarini qamrab oladi. Unda korxonalarning suv va suvdan foydalanish bilan bog‘liq qonunchilikka qanchalik amal qilayotgani, oqova suvlarni kanalizatsiyaga oqizib yuborishdan oldin zararsizlantirilishi va tozalanishi tekshirilmoqda.

<sup>Foto: Ekologiya, atrof-muhitni muhofaza qilish va iqlim o‘zgarishi vazirligi

Foto: Ekologiya, atrof-muhitni muhofaza qilish va iqlim o‘zgarishi vazirligi</sup>
Shuningdek, korxonalar to‘liq xatlovdan o‘tkazilib, mavjud lokal oqova suv tozalash inshootlari holati, tozalash samaradorligi va belgilangan me’yorlarga rioya etilgani o‘rganilmoqda.

Monitoring 1 martgacha davom etadi. Maqsad ekologiya, xususan, suv va atmosfera havosining ifloslanishi yo‘l qo‘ymaslik hamda aholining bu boradagi murojaatlarini ijobiy hal qilishdir. “Zamin” yangiliklarini “Telegram”da kuzatib boring