Toshkent shahri va yettita viloyatga 8 avtomatik stansiya olib kelindi

^{Foto: Ekologiya vazirligi}
Ekologiya vazirligi Toshkent shahri va yettita viloyatga 8 avtomatik stansiya olib kelinganini ma’lum qildi.

Xabar berilishicha, “Zamin” fondi hamda Ekologiya, atrof-muhitni muhofaza qilish va iqlim o‘zgarishi vazirligi huzuridagi Gidrometeorologiya xizmati agentligining “Atmosfera havosining ifloslanishi monitoringini avtomatlashtirish” qo‘shma loyihasi davom etmoqda. Loyiha doirasida Andijon, Namangan, Navoiy, Farg‘ona, Buxoro, Qashqadaryo, Toshkent viloyatlari va Toshkent shahriga navbatdagi 8 ta avtomatik stansiya olib kelindi.

Uskunalar sozlanib, test sinovlari yakunlangach, yagona ma’lumotlar bazasiga ulanadi. Shuningdek, Gidrometeorologiya xizmati agentligining hududlardagi xodimlari o‘qitiladi. Stansiyalardan olingan ma’lumotlar monitoring.meteo.uz milliy platformasiga uzatib boriladi. “Zamin” yangiliklarini “Telegram”da kuzatib boring