© Sputnik / Artur Lebedev
Qashqadaryo viloyati hokimligi Rossiya bilan hamkorlikda arqon yo‘li quradi. Bu haqida Sputnik muxbiriga Qashqadaryo viloyati hokimi o‘rinbosari Olimxon Rustamov aytib berdi.
"Kitob tumanida, G‘ilon qishlog‘ida osma yo‘l qurmoqchimiz. Bugungi kunda rossiyalik tadbirkorlar xalqaro mutaxassislar bilan birgalikda geologik sharoit va qiyaliklarni o‘rganish uchun bizga kelishdi. Biz ishchi guruh tuzdik, shu yilning may oyining oxiri yoki iyun oyining boshiga qadar mazkur loyihaning katta taqdimoti bo‘lib o‘tishi kutilmoqda, shundan so‘ng qurilishini boshlaymiz”, — dedi u.
“Umuman olganda, biz rossiyalik investorlar bilan juda yaqin hamkorlik qilamiz. Yaqinda Toshkentda "Innoprom" ko‘rgazmasi bo‘lib o‘tdi va unda biz 2024-2026 yillarda Qashqadaryo viloyatiga investitsiyalarni jalb qilish bo‘yicha umumiy qiymati 300 million dollarlik kelishuvlarga erishdik.
Xususan, 2023 yilda biz Permning TORN kompaniyasi bilan hamkorlikda shartnoma tuzdik va transformatorlar ishlab chiqarish bo‘yicha qo‘shma korxona tashkil etdik. Joriy yilda esa 500 ga yaqin transformator sotishni rejalashtirganmiz.
Bundan tashqari, biz Perm viloyati bilan kabellar ishlab chiqarish uchun elektrotexnika sohasida hamkorlik qilishni rejalashtirmoqdamiz.
Rossiya tomoni bilan mebel va yog‘och uylar ishlab chiqarish bo‘yicha ham kelishuvlarimiz bor”, — dedi u. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
D vitamini dozasini oshirib yuborishning xavfli oqibatlari
Surxondaryo viloyatida ayiq IIB xodimiga jarohat yetkazdi
Jizzaxda uchta yuk mashinasi ishtirokida YTH sodir bo‘ldi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
“Roma” Shomurodov uchun yana 8 million yevro xarajat qiladi!
Ukraina prezidenti mahbuslarni safarbar qilish to‘g‘risidagi qonunni imzoladi
Kolumbiya prezidenti Netanyaxuni hibsga olishga chaqirdi
Madrimov—Krouford oqshomida Shahram G‘iyosov ham ringga ko‘tariladi
