O‘zbekistonda mehnat qonunchiligi qaysi sohalarda eng ko‘p buzilayotgani ma’lum qilindi

^{Foto: Yuz.uz}
Kambag‘allikni qisqartirish va bandlik vazirligi mehnat qonunchiligi qaysi sohalarda eng ko‘p buzilayotgani haqida ma’lumot berdi.

Vazirlik 2024 yilning yanvar-aprel oyi davomida qayd etilgan holatlarni tahlil qilgan. Unga ko‘ra, mehnat qonunchiligining eng ko‘p buzilishi xalq ta’lim muassasalarida kuzatilgan — 5 612 ta. Undan keyingi o‘rinda maktabgacha ta’lim muassasalarida shunday qonun buzilishi holatlari ko‘p bo‘lgan — 2 173 ta.

Sog‘liqni saqlash vazirligi tizimida mehnat qonunchiligi buzilishi bilan bog‘liq 1 215 ta, qurilish tashkilotlarida — 266 ta, qishloq xo‘jaligida — 452 ta holat qayd etilgan.

Vazirlik ma’lumotiga ko‘ra, 2023 yilda mehnat qonunchiligi eng ko‘p buzilgan sohalar quyidagilar bo‘lgan:

ta’lim — 21 286 ta;
sog‘liqni saqlash — 3 589 ta;
qurilish — 1 867 ta;
qishloq xo‘jaligi — 1 775 ta;
sanoat — 686 ta;
transport — 539 ta;
bank va moliya — 274 ta;
savdo va xizmat ko‘rsatish — 237 ta;
boshqa sohalarda — 10 977 ta.

Mehnat muhofazasi va buzilgan huquqlarini tiklash yuzasidan 22 mingga yaqin fuqaroning murojaatlari ko‘rib chiqilgan va 13 306 ta murojaat qanoatlantirilgan. 5 805 nafar fuqaroning jami 25 milliard 300 million so‘mdan ortiq ish haqlari undirib berilgan. “Zamin” yangiliklarini “Twitter”da kuzatib boring