Toshkentda 25 may kuni dronlar shousi o‘tkaziladi

^{Foto: Toshkent shahar hokimligi}
Toshkent shahrida 25 may kuni maktab bitiruvchilari uchun So‘nggi qo‘ng‘iroq kuniga bag‘ishlangan konsert tadbiri bo‘lib o‘tadi.

Poytaxt hokimligi xabariga ko‘ra, tadbir o‘quvchilar, o‘qituvchilar, ota-onalar va do‘stlarni o‘quv yili yakunini nishonlash uchun jamlaydi.

Tashkilotchilar: Toshkent shahar hokimligi, Oliy ta’lim, fan va innovatsiyalar vazirligi, Yoshlar ishlari agentligi.

Konsert dasturidan musiqiy chiqishlar, dronlar shousi, DJ-battl va retro chiqishlar o‘rin olgan.

Tadbir 25 may kuni Xalqlar do‘stligi maydonida tashkil etiladi. “Zamin”ni Telegramʻda oʻqing!