“Ko‘cha” sudlanmoqda :“Baxti Tashkenskiy” ayblovni rad etdi, yana bir sudlanuvchi ayblovni eshitib, qo‘rqib ketdi

Jinoyat olamida “qonundagi o‘g‘ri — Baxti Tashkenskiy” maqomini olgan Baxtiyor Qudratullayev va 36 nafar ayblanuvchi bo‘yicha sud majlisi boshlandi. Bu haqda sudda qatnashgan “Daryo” jurnalisti xabar berdi.

^{Foto: “Daryo”}
Jinoyat ishlari bo‘yicha Yunusobod tuman sudida JIB Shayxontohur tuman sudi raisi Tolibjon Obidov boshchiligidagi sudlov hay’ati “ko‘cha” nomini olgan to‘da ishini ko‘rib chiqishni boshladi.

^{Foto: “Daryo”}
Dastlabki tergov organining ayblov xulosasiga ko‘ra, sudlanuvchilar — B.Qudratullayev, Sh.Qurbanov, B.Zafarov, Sh.Rahimov, A.Xo‘jayev, D.Sharipov, A.Mirzaxonov, Sh.Sulaymonqulov, A.Norqulov, S.Hotamov, N.Jumaniyazova, R.Shakurov, Sh.Qudratullayev, T.Turmonov, F.Vapayev, M.Nosirxo‘jayev, D.Mo‘minxo‘jayev, M.Usmonboyev, M.Shodmanov, B.Xudyorov, A.Mashrafxonov, V.Qurbanov, A.Mahamadiyorov, A.Jo‘rayev, B.Bakayev, I.Qudratullayev, A.Aliyev, J.Soliyev, A.Tursunboyev, B.Normirzayev, F.Kamalov, M.Mirzoyev, N.Bagadirov, A.Shelyov, M.Qurbanov, O.Islomov va M.Ibodullayev Jinoyat kodeksining 104, 109, 138, 165, 168, 228, 242, 243, 273, 276 va 277-moddalarida nazarda tutilgan jinoyatlarni sodir etganlikda ayblanmoqda.

Oliy sud axborot xizmatining aniqlashtirishicha, 36 nafar sudlanuvchiga nisbatan “qamoqqa olish” va bir nafariga “garov“ tarzidagi ehtiyot chorasi qo‘llanilgan.

^{Foto: “Daryo”}
"Tasdiqlangan ayblov xulosasiga ko‘ra mazkur jinoyat ishi doirasida 46 nafar jabrlanuvchi va 70 nafar guvoh aniqlangan", — deyiladi mas’ullar izohida.

Bugun, 3 iyun kuni boshlangan sud majlisida dastlab 37 nafar sudlanuvchining shaxsiga aniqlik kiritildi. Advokatlar va sudlanuvchilarning iltimosnomalari tinglandi. Davlat ayblovchisi tomonidan jinoiy guruh ta’zolariga nisbatan e’lon qilingan ayblov xulosasi o‘qib eshittirildi.

^{Foto: “Daryo”}
“Baxti Tashkenskiy” o‘ziga nisbatan e’lon qilingan barcha ayblovlarni rad etgan bo‘lsa, yana bir sudlanuvchi prokuror ayblovida o‘ziga qo‘yilgan ayblovlarni eshitib, qo‘rqib ketganini aytdi.

Sud 5 iyun, soat 10:00 ga qadar tanaffus e’lon qildi. “Zamin” yangiliklarini “Twitter”da kuzatib boring