Ma’muriy qamoqxonalarga tezkor-qidiruv faoliyatini amalga oshirish huquqi beriladi

Vazirlar Mahkamasining “Ma’muriy qamoqqa olingan shaxslarni qabul qilish va saqlash uchun mo‘ljallangan maxsus qabulxonalar to‘g‘risidagi nizomni tasdiqlash haqida”gi qaroriga qo‘shimchalar kiritish to‘g‘risida”gi qarori loyihasi e’lon qilindi.

“Ayrim qonun hujjatlariga jinoyatchilikka qarshi kurashish bo‘yicha faoliyatning huquqiy asoslarini takomillashtirishga qaratilgan qo‘shimcha va o‘zgartirishlar kiritish to‘g‘risida”gi qonun bilan maxsus qabulxonalarda tezkor-qidiruv faoliyatini amalga oshirish asosi belgilangan.

Shundan kelib chiqqan holda, maxsus qabulxonalar o‘ziga yuklangan vazifa va funksiyalarni bajarishda jinoyatlarning oldini olish, ularni aniqlash, ularga barham berish va ularni fosh etish, shuningdek jinoyatlarga tayyorgarlik ko‘rishga va ularni sodir etishga daxldor bo‘lgan shaxslarni aniqlash, topish hamda qidirish maqsadida, qonunchilikda belgilangan tartibda tezkor-qidiruv faoliyatini amalga oshirish bilan bog‘liq huquqlari qonunchilikda aks etishi lozim.

Mazkur qo‘shimchalar kiritilishi orqali ma’muriy qamoqxonalar o‘ziga yuklangan vazifa va funksiyalarni bajarishda tezkor-qidiruv faoliyatini amalga oshirishlari mumkinligi belgilanmoqda.

Maxsus qabulxonalarda jinoyatlarning oldini olish, ularni aniqlash, ularga barham berish va ularni fosh etish, shuningdek jinoyatlarga tayyorgarlik ko‘rishga va ularni sodir etishga daxldor bo‘lgan shaxslarni aniqlash, topish hamda qidirish maqsadida, qonunchilikda belgilangan tartibda tezkor-qidiruv faoliyatini amalga oshirish huquqi belgilanmoqda. “Zamin” yangiliklarini “Facebook”da kuzatib boring