Sirdaryoda noqonuniy baliq ovlaganlar qo‘lga tushdi

^{Foto: Boyovut tuman hokimligi axborot xizmati}
Sirdaryo viloyati Boyovut tumanida noqonuniy baliq ovlaganlar hayvonot dunyosiga 60 mln so‘mdan ziyod zarar yetkazdi. Bu haqda tuman hokimligi axborot xizmati xabar berdi.

Unga ko‘ra, Sirdaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi hamda viloyat prokuraturasi xodimlari tomonidan nazorat tadbiri o‘tkazildi. Tadbir davomida tuman hududidan oqib o‘tuvchi Janubiy Mirzacho‘l kanalida fuqaro S.A va B.D.lar noqonuniy ravishda taqiqlangan ov quroli, elektr qarmoq yordamida jami 5 turdagi 53 dona, shundan 17 dona sazan, 30 dona karas, 4 dona jerx, 1 dona oq amur va 1 dona ilonbosh baliqlarini ovlayotgan joyida ashyoviy dalillar bilan qo‘lga olindi.

Mazkur noqonuniy ov natijasida hayvonot dunyosiga 60 million 520 ming so‘m zarar yetkazilgani aniqlandi. Holat yuzasidan to‘plangan hujjatlar viloyat prokuraturasiga tegishli tartibda chora ko‘rish uchun yuborildi. “Zamin” yangiliklarini “Youtube”da kuzatib boring