Foto: Qonunchilik palatasi
Qonunchilik palatasining 16 iyuldagi yalpi majlisida oilaviy (maishiy) zo‘ravonliklardan himoyalash choralari kuchaytirilishi munosabati bilan ayrim qonun hujjatlariga o‘zgartirish va qo‘shimchalar kiritishni nazarda tutuvchi qonun loyihasi uchinchi o‘qishda qabul qilindi.
Qonun loyihasi bilan Jinoyat, Jinoyat-protsessual va Ma’muriy javobgarlik to‘g‘risidagi kodekslarning ayrim moddalariga o‘zgartish va qo‘shimchalar kiritish taklif etilmoqda.
Foto: Qonunchilik palatasi
Jinoyat kodeksining oilaviy (maishiy) zo‘ravonlik to‘g‘risidagi 126-1-moddasi bolaga nisbatan oilaviy (maishiy) zo‘ravonlik qilganlik uchun javobgarlik bilan to‘ldirilmoqda.
Amaldagi normada er-xotin yoki oilada birga yashovchi boshqa shaxslarga nisbatan oilaviy (maishiy) zo‘ravonlik qilganlik uchun jinoiy javobgarlik nazarda tutilgan bo‘lsa-da, bu harakatlarni bolaga nisbatan sodir etganlik uchun javobgarlik nazarda tutilmagan edi.
Foto: Qonunchilik palatasi
Jinoyat-protsessual kodeksining 583-moddasi “Oilaviy (maishiy) zo‘ravonlik bilan bog‘liq ishlar yuzasidan yarashuv to‘g‘risidagi ariza sud muhokamasining istalgan bosqichida, ammo sud alohida xonaga (maslahatxonaga) kirishidan oldin berilishi mumkin” mazmunidagi ikkinchi qism bilan to‘ldirilmoqda. Ma’muriy javobgarlik to‘g‘risidagi kodeksda ham bolaga nisbatan oilaviy (maishiy) zo‘ravonlik qilganlik uchun javobgarlik belgilash nazarda tutilmoqda.
Majlisda qayd etilishicha, qonun loyihasining qabul qilinishi bolalar va xotin-qizlarning tazyiq va zo‘ravonlikka uchrashining oldini olish choralari samaradorligini oshirishga, oilalardagi ma’naviy-axloqiy muhit yaxshilanishini ta’minlashga xizmat qiladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Selderey, sabzi va qand miqdorini oshiruvchi kutilmagan boshqa mahsulotlar
Yaponiyada aholini har kuni kamida bir marta kulishga undaydigan qaror qabul qilindi
Dunyo yetakchilari Donald Trampga qilingan suiqasdni qoraladi
Bayden: “Falastin jamiyati uchun boshqalardan ko‘ra ko‘proq ish qilganman”
Gazdan noqonuniy foydalangan neftni qayta ishlash zavodi va fermer xo‘jaliklari aniqlandi
Ukraina Qrim va Rossiya hududlariga dronlar bilan hujum qildi
Trampga kim o‘q uzgani haqida ma’lumotlar paydo bo‘ldi
Pavel Durov Markaziy Osiyo taassurotlari haqida nimalar dedi?