Yaqinda Buxoro shahrining sobiq hokimi Jamol Nosirov Buxoro viloyat ekologiya, atrof muhitni muhofaza qilish va iqlim o‘zgarishi boshqarmasi boshlig‘i etib tayinlangan edi.
U Buxoroda juda tez fursatda Ekologiya sohasidagi muammolarni o‘rganish va ularni bartaraf etish borasida tub burilishlar yasadi.
«Daraxtlarni o‘z vaqtida sug‘ormaganligi uchun ma’sullarni «jazolash» haqida shu paytgacha hech kim o‘ylab ko‘rmagan ekan. Suvsizlikdan emas, o‘z vaqtida sug‘orilmaganidan gektar-gektar daraxtlar qurib ketdi. Mas’ullar haqiqatan ham bunday mas’uliyatsizligi oldida javob berishi kerak», - dedi g‘ijduvonlik fuqaro Mardon ota Akobirov.
Bildirilishicha, Buxoro viloyati Ekologiya atrof-muhitni muhofaza qilish va iqlim o‘zgarishi boshqarmasi tomonidan «Yashil makon» umummilliy loyihasi doirasida ekilgan daraxt va buta ko‘chatlarining holati yuzasidan viloyat hududidagi barcha tashkilot va davlat muassasalarida o‘rganish ishlari olib borilgan.
O‘rganish davomida, hududlarda ma’sul shaxslar tomonidan 2023 yil kuz va 2024 yil bahor mavsumi davomida ekilgan daraxt ko‘chatlari parvarishiga, sug‘orilishiga e’tibor qilmagan 14 ta holat aniqlangan. Jumladan, G‘ijduvon tumanida 4 ta, Jondor tumanida 2 ta, Qorovulbozor tumani -1 ta, Buxoro shahar - 1 ta, Shofirkon tumani - 4 ta, Olot tumanida -2 ta shunday holat yuzaga kelgan.
Ushbu holatlar yuzasidan ekilgan daraxt ko‘chatlarini o‘z vaqtida sug‘ormagani va agrotexnik tadbirlarni amalga oshirmagani oqibatida keng hududdagi daraxtlar qurib qolgani aniqlangan.
«Hududlardagi 14 nafar mansabdor shaxslarga nisbatan O‘zbekiston Respublikasi MJtKning 79-moddasi 3- qismi bilan ma’muriy bayonnoma rasmiylashtirilib, 47 600 000 so‘m miqdorda jarima belgilandi. Ayni paytda nazorat tadbirlari davom etmoqda», - dedi Jamol Nosirov. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘yinning oxirigacha bir xillikdan voz kechmagan termamiz va turnirni nari-beri yoritayotgan O‘FA
Rossiya mudofaa vazirining sobiq o‘rinbosari, general Dmitriy Bulgakov qo‘lga olindi
Timur Kapadze: "Ikkala o‘yinda ham yutishimiz mumkin edi"
Italiyada 140 kilolik shahar meri ozish uchun har hafta aholi bilan sayr qiladi
Bayden G‘azoda o‘t ochishni tezroq to‘xtatishga chaqirdi
Rossiya YouTube ishini sun’iy ravishda sekinlashtirishni boshlayapti
Ukraina razvedkasi Rossiya banklariga keng ko‘lamli kiberhujum uyushtirdi
Britaniya Rossiya yadro qurollarini yo‘q qilishga qodir uzoq masofali raketalar yaratmoqchi
