![Qirig‘istondan olib kelingan kuchli ta’sir qiluvchi dori vositalari musodara qilindi](/uploads/posts/2024-08/x77febc3535_photo_2024-08-02_10-32-59.webp.pagespeed.ic.Tvdzyfjhik.webp)
Kadr: Telegram
Davlat xavfsizlik xizmati tomonidan Qirg‘izistondan kontrabanda yo‘li bilan olib kelingan kuchli ta’sir qiluvchi dori vositalari musodara qilindi.
Qayd etilishicha, DXXning Toshkent shahri bo‘yicha boshqarmasi xodimlari tomonidan bojxona idoralari bilan hamkorlikda Namangan shahrida tezkor tadbir o‘tkazilgan. Tadbirda Qirg‘izistonning Jalolobod viloyati Olabuqa tumanida yashovchi 39 yoshli fuqarosi hamda Namangan viloyatining Yangiqo‘rg‘on tumanida istiqomat qiluvchi, 1980 va 1998 yillarda tug‘ilgan ikki nafar shaxs o‘zaro kelishgan holda Qirg‘izistondan O‘zbekistonga aylanma yo‘llar orqali olib kirilgan 16 ming 800 dona “Regapen” kuchli ta’sir qiluvchi dori vositalarini 36 ming dollarga sotgan vaqtlarida qo‘lga olingan.
Toshkent shahrida o‘tkazilgan tezkor tadbirda esa Shayxontohur tumanida yashovchi 42 yoshli fuqaroning yoni va avtomashina xolislar ishtirokida ko‘zdan kechirilganda 15 dona “Regapen” kuchli ta’sir qiluvchi dori vositalari borligi aniqlanib, tegishli tartibda rasmiylashtirib olingan.
Shuningdek, uning tanishi bo‘lgan, muqaddam giyohvandlik vositalari savdosi bilan bog‘liq jinoyati uchun sudlangan 46 yoshli shaxsning Uchtepa tumanidagi yashash xonadoni ko‘zdan kechirilganda, 2967 dona “Regapen” dori vositasi borligi ma’lum bo‘lib, protsessual tartibda rasmiylashtirib olingan.
DXX Toshkent shahri bo‘yicha boshqarmasi xodimlari tomonidan bojxona idoralari bilan hamkorlikda o‘tkazilgan tezkor tadbirda Farg‘ona—Toshkent yo‘nalishida harakatlanayotgan Nexia rusumli avtomashina Sergeli tumani hududida to‘xtatilib, ko‘zdan kechirilganda, unda Farg‘ona shahrida yashovchi 35 yoshli fuqaroga tegishli 1400 dona “Regapen”, 30 dona “Tropikamid” kuchli ta’sir qiluvchi dori vositalari borligi aniqlanib, protsessual tartibda rasmiylashtirib olingan.
DXX Namangan viloyati bo‘yicha boshqarmasi xodimlari tomonidan bojxona idoralari bilan hamkorlikda o‘tkazilgan tezkor tadbirda Namangan shahrida istiqomat qiluvchi 35 yoshli shaxsning Lacetti rusumli avtomashinasi xolislar ishtirokida ko‘zdan kechirilganda, unda 6034 dona “Regapen” kuchli ta’sir qiluvchi dori vositalari borligi aniqlanib, tegishli tartibda rasmiylashtirib olingan.
Shuningdek, tezkor tadbir davom ettirilib, mazkur fuqaroning yashash xonadonidan ham 2800 dona “Regapen” dori vositalari olingan.
Ta’kidlanishicha, barcha holatlarda musodara qilingan kuchli ta’sir qiluvchi dori vositalari Qirg‘izistondan O‘zbekistonga kontrabanda yo‘li bilan olib kelingan. Hozirda holatlar yuzasidan mazkur shaxslarga nisbatan jinoyat ishlari qo‘zg‘atilib, tergov harakatlari olib borilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi" расм](/uploads/posts/2024-07/x20a03a2364_797650_680.webp.pagespeed.ic.TvmYL4mUk2.webp)
Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi"
![“Hizbulloh” Isroil shimoliga o‘nlab raketalar bilan zarba berdi расм](/uploads/posts/2024-08/xa2ee406a89_reuters-s-du3gjy.webp.pagespeed.ic.tFD5N2cbdE.webp)
“Hizbulloh” Isroil shimoliga o‘nlab raketalar bilan zarba berdi
![K vitamini nima uchun kerak va uni qaysi mahsulotlardan olish mumkin? расм](/uploads/posts/2024-08/xa8f2929323_vegatables-that-contain-vitamin-k-jvgnyymq.webp.pagespeed.ic.KtLcw5_8LD.webp)
K vitamini nima uchun kerak va uni qaysi mahsulotlardan olish mumkin?
![Eron amaldori: “Ismoil Haniyaning o‘limi uchun Isroil katta tovon to‘laydi” расм](/uploads/posts/2024-07/x34dc980bd0_photo_2024-07-31_12-13-17-no9gojpe.webp.pagespeed.ic.S0zKfAipeZ.webp)
Eron amaldori: “Ismoil Haniyaning o‘limi uchun Isroil katta tovon to‘laydi”
![Parij—2024. O‘zbekistonlik bokschilarning chorak finaldagi raqiblari bilan tanishing расм](/uploads/posts/2024-08/x68ebca4240_brown20white20simple20modern20vlog20youtube20thumbnail209-ypz5z4tz.webp.pagespeed.ic.XCD76S3-04.webp)
Parij—2024. O‘zbekistonlik bokschilarning chorak finaldagi raqiblari bilan tanishing
![HAMAS yetakchisining o‘g‘li: Haniya qoni G‘azodagi bolalar qonidan ustunroq emas расм](/uploads/posts/2024-08/x8c25759962_lfaz4rqs-a9z_xlxcf3u8u3eqckvj-fu.webp.pagespeed.ic.YWZbWfOtvk.webp)
HAMAS yetakchisining o‘g‘li: Haniya qoni G‘azodagi bolalar qonidan ustunroq emas
![Hindistonda ko‘chkilar oqibatida kamida 90 kishi halok bo‘ldi расм](/uploads/posts/2024-07/x9373ac644d_photo_2024-07-30_17-11-13-qpekrfi4.webp.pagespeed.ic.NprNaymuPb.webp)
Hindistonda ko‘chkilar oqibatida kamida 90 kishi halok bo‘ldi
![Misrlik sportchi homilador holatda Olimpiadada qatnashganini ma’lum qildi расм](/uploads/posts/2024-07/x575faec905_gettyimages-2164162758-2048x2048-znlf0rtq.webp.pagespeed.ic.dhDU1O8nz_.webp)
Misrlik sportchi homilador holatda Olimpiadada qatnashganini ma’lum qildi